Link açıqlığı

Saatnıñ esas haberi

İtaliya - koronavirustan ölüm alları boyunca birinci yerdedir


İtaiya, statistika hülâsalarına köre, koronavirus ölümi boyunca dünyada birinci yerni aldı, memlekette er yigirminci hasta öle. Tünevin ölülerniñ sayısı 366 adamğa bardı (4,96%), haber ete "Nastoyaşçeye vremâ".

Ekinci yerde AQŞ, anda tek 472 hasta qayd etildi, amma olardan 19 adam öldi (4,03%). Üçünci yerde Qıtay (3,83%), dörtünci yerde - İran (2,96%).

Ölgenlerniñ eñ küçük sayısı Cenübiy Koreyada - 0,68%.

Dünyada COVID-19 koronavirus hastalarınıñ sayısı arta, bazaretesi künü saba olarnıñ miqdarı 109 045 adamğa bardı, haber etti South China Morning Post Hong Kong gazetası.

Umumen dünyada 60 biñden çoq adam tedaviylendi.

Yañı çeşit koronavirus yuqunçı 2019 senesi dekabr ayında Qıtayda tarqalıp başladı.

2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.

XS
SM
MD
LG