Link açıqlığı

Saatnıñ esas haberi

Koronavirus: bir künde Qırımda yüzden çoq hasta qayd etildi – Aksenov


Keçken künü Qırımda 109 koronavirus hastası qayd etildi, 11-iniñ hastalıq alâmetleri yoq, dep bildirdi iyünniñ 5-nde saba Qırımnıñ Rusiye yolbaşçısı Sergey Aksenov.

«75 hasta tibbiy yardım içün muracaat etkende qayd etildi, 32 insan daa evel qayd etilgen hastalarnen alâqada oldı, 2 hasta çetelden keldi. Bir künde 95 insan yahşı oldı, bütün müddet devamında 40 940 kişi tüzeldi», – dep aytıla içtimaiy ağlardaki haberde.

Bir kün evelsi Qırımda bir künde qayd etilgen 105 koronavirus hastası aqqında haber etilgen edi.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Qırımdaki «Hizb ut-Tahrir davaları»

«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG