Noyabrniñ 18-nde saba Aqyarda 57 yañı COVID-19 hastası qayd etildi, dep bildire şeerniñ Rusiye ükümeti.
Haberde aytılğanına köre, 28 hasta yuqunç ve doquzıncı şeer hastahanelerine alındı, qalğanları ambulator tedaviylevde buluna.
«Hastalar – 17 yaşından 81 yaşına qadar yerli sakinler. 142 insan tüzelgen soñ hastahaneden çıqarıldı. 82 yaşında qadın ve 69 ve 34 yaşında er adamları vefat etti. Episiniñ hronik hastalıqları ağırlaştı», – dep bildire akimiyet.
Berilgen malümatqa köre, umumen yılnıñ başından Aqyarda 3636 insan yañı koronavirus yuqunçına oğradı, 2915 insan tüzeldi, 99 kişi vefat etti.
«Bugünki künde COVID-19 diagnozı tasdıqlanğan 288 insan hastahanede buluna: 148-i yuqunç hastahanesinde, 137-si doquzıncı şeer hastahanesinde, üçü Mudafaa nazirliginiñ hastahanesinde buluna. «İzumrudda» 56 insan qala. 308 kişi ambulator tedaviylevde buluna. 587 insan közetile», – dep qoştı müessise.
Keçken künü Qırımda 211 koronavirus hastası qayd etildi, 12733 COVID-19 hastası qayd etildi, 8275 tüzelgen soñ hastahaneden çıqarıldı, 222 hasta vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
