Aqyarda iyünniñ 5-nde 25 yañı COVID-19 hastası qayd etildi, tüzelgen yedi insan hastahaneden çıqarıldı, 83 ve 93 yaşında eki insan vefat etti, dep haber ete şeerniñ Rusiye ükümeti.
«Umumen Aqyarda 15 061 insan yañı koronavirus yuqunçına oğradı. 13 765 kişi tüzeldi, 691 insan vefat etti. 276 insan közetile – bu insanlar hastalarnen alâqada oldı, amma COVID-19 diagnozı tasdıqlanmadı», – dep aytıla müessise haberinde.
Keçken künü Qırımda, yerli akimiyetniñ malümatına köre, 109 koronavirus hastası qayd etildi, altı hasta vefat etti, umumen pandemiya vaqtında 1380 kişi keçindi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
COVID-19 koronavirus yuqunçı
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
