İşğal etilgen Qırımnıñ Koktebel civarındaki Qaradağ qoruğında 40 gektarlıq yanğınnı beş künden soñ söndürdiler, dep bildire Qırım Fevqulâde vaziyetler nazirliginiñ Rusiye idaresi.
TASS Rusiye devlet haber agentliginiñ bildirgenine köre, Koktebelde yanğınnıñ meydanlığı 44 gektarğa qadar arttı. Qırımnıñ Köktebel civarında yanğın iyülniñ 15-nde kündüz başladı.
Rusiye quvetçileri yanğınnı 50 yaşındaki yerli sakinniñ yapqanı dep saya. Bildirilgenine köre, yanğın, bulğarçıqnen metallni kesken quru otnıñ yanıp başlağanı sebebinden başlandı.
Daa evel haber etilgenine köre, Qırımda iyül 15-19 künleri +38 derecege qadar anomal sıcaq olğanı sebebinden furtuna havfı ilân etildi, bu ise, iklim normalarından yedi derecege ziyade.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
