Kezlev civarındaki Yalı Moynaq (Zaozörnoye) qasabasında turistler, deñizde boğulmaqta olğan bir yaşındaki balanı qutardı. Bunı Qırım Fevqulâde Vaziyetler Nazirliginde bildirdiler.
"2019-ıncı yılda doğğan bala suvda boğulmaqta edi, yanında olgan adamlar onı qutardı, cocuqnı Krzlev bala hastahanesine qoydılar", - denile beyanatta.
Avgust 25-inde Qırımda tünevin deñizde eki adam elâk oldı, bir adam qurtarıldı.
Saq rayonınıñ Otar Moynaq (Uyutnoye) köyünde tahminen 50 yaşındaki aqaynıñ cesedi tapıldı. Onı da politsiyağa berdiler, bildirile müessiseniñ beyanatında.
Aluşta yalısında aqaynıñ cesedi tapıldı, Kefedeki plâjdan qadınnı ise hastahanege alıp kettiler.
Qırım qurtarıcılarınıñ malümatına köre, yılnıñ başından berli 37 suv qazası oldı, 26 adam elâk oldı, 30-ı qurtarıldı.
