Keriçte patlav neticesinde elâk olğanlarnıñ sayısı 19-ğa arttı

17 oktâbr 2018, 18:04

Keriçteki facia yeri, 2018 senesi oktâbrniñ 17-si

Keriçte kütleviy öldürüv qurbanlarınıñ sayısı 19-ğa arttı, dep bildire Rusiye haber agentlikleri. Olar Qırımnıñ Rusiye felâket tibbiyeti ve ilk yardım merkeziniñ müdiri Sergey Astankinniñ malümatına esaslana.

Onıñ aytqanına köre, elâk olğan 19-ıncı insan Keriç politehnik kölleciniñ talebesi edi.

Kreml tayin etken Qırım yolbaşçısı Sergey Aksenov 18 insan elâk olğanını ve 40-tan ziyadesi yaralanğanını bildirgen edi.

Telâş ve qorqu. Keriçteki patlav tafsilâtları (fotoresimler)

1/13 Patlav o qadar küçlü edi ki, pencere ve qapular sındı

2/13 Patlavdan soñ köllecge «ilk yardım» maşinaları, qurtarıcılarnıñ maşinaları ve avtomatlı Rusiye uquq qoruyıcıları kelmege başladı. Rayonnı politsiya sarıp aldı

3/13 Rusiye uquq qoruyıcı organlarınıñ hadimleri Keriç politehnik kolleciniñ binası yanında

5/13 Kollec yanında onlarnen insan toplaştı. Ekimler yaralanğanlarnı tahliye ete

6/13 Rusiye Tahqiqat komitetiniñ malümatına köre, eñ azından 17 insan elâk oldı, 50 kişi yaralandı

8/13 Rusiye terrorizmge qarşı milliy komiteti bildire ki, kollecde bomba patlatıldı

9/13 Rusiye Tahqiqat komitetiniñ malümatına köre, patlavnı bu kollecniñ 4-ünci kursında oquğan student kerçekleştirdi. Kreml kontrolindeki Qırım yolbaşçısı Sergey Aksenov bildirdi ki, terakt kerçekleştirilmesinde şeklengen insan özüni öldürdi

<p>Keriç politehnik kolleciniñ binasından «ilk yardım» maşinaları kete</p> — 11/13
Keriç politehnik kolleciniñ binasından «ilk yardım» maşinaları kete

12/13 Qurtarıcılar kollecdeki patlav qurbanını ketire

13/13 Uquq qoruyıcı organlarınıñ hadimleri facia yerinde

Politehnik kollecinde olğan patlav neticesinde eñ az 19 kişi elâk oldı, 40 insan yaralandı.

Patlav çarşenbe künü Keriç politehnik kollecinde oldı. Rusiyeniñ terrorizmge qarşı milliy komiteti, kollecde bomba patlağanını bildire.

Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi».

Link açıqlığı

Qoşulıñız!

Keriçte patlav neticesinde elâk olğanlarnıñ sayısı 19-ğa arttı

Telâş ve qorqu. Keriçteki patlav tafsilâtları (fotoresimler)