Keriçte rusiyeli şeer şuraşınıñ başı Maya Hujina oldı. Onıñ namzeti içün 20 mebus rey berdi. Bunı Keriç şeer şurasınıñ saytında bildireler.
Onıñ raqibi Dmitriy Mironov içün 7 mebus rey berdi.
Maya Hujina "Yekâne Rusiye" firqasına ait olğanı bildirile.
Açıq menbalardaki malümatqa köre, bundan evel Hujina, №2 şeer hastahenesiniñ baş ekiminiñ tibbiy qısım boyunca muavini olıp çalışa edi.
Daa evel, Yaltada yañı şeer şurasınıñ reisi saylanılğanı bildirile edi. Bu vazifeni Konstantin Şimanovskiy becere. Olesâ Haritonenko, ise Kezlev (Yevpatoriya) şeer şurasınıñ reisi olaraq saylanıldı.
Sentâbr 8-inde Rusiye akimiyeti Qırım ve Aqyarda Qırım parlamenti ve yerli şuralarnıñ saylavlarını keçirdi.
