Kefede Rusiye arbiyleri bir afta içinde üçünci kere atış talimlerini keçirecekler. Bunı şeerniñ Rusiye memuriyetiniñ matbuat hızmeti bildire.
"Bugün, qara qış ayınıñ 16-nda, saat 17:00-den 18:00-gece ve 19:00-dan 22:00-gece atış talimleri keçirilecek. Sakin qalmaqnı ve tek resmiy malümatqa işanmaqnı rica etemiz", — dep aytıla haberde.
Bundan evel Rusiye arbiyleri atış talimlerini qara qış ayınıñ 15-nde ve 13-nde keçirgen edi.
Bundan evel Qırımtatar resurs merkezi, 2025 senesiniñ birinci yarısında Rusiye arbiyleri eñ az 45 arbiy talim keçirgenini bildirgen edi. 2024 senesiniñ aynı devirinde 68 talim keçirildi, 2023 — 10, 2022 — 20.
QRM qayd ete ki, 2025 senesi ötken senege baqqanda talimlerniñ umumiy sayısı az olsa da, böyle büyük arbiy faallik yarımadanıñ sistemli arbiyleştirilüvini köstere.
