Martnıñ 12-sinde aqşam Kefede maşna yolnı yañlış yerde çapıp keçken balanı urdı. Bunı Rusiye FVN-niñ Qırım idaresi bildire.
"İlk alınğan malümatqa köre, 1972 senesi doğma LADA Priora maşnasınıñ aydavcısı, yolnı yañlış yerde çapıp keçken 2009 senesi doğma piyadeni urdı", - denile beyanatta.
Müessise, yol qazası neticesinde bala yaralanğanını ve hastahanege qoyulğanını haber ete.
Salı künü, martnıñ 10-unda, aqşam qırımnıñ Qurman rayonında Dewoo Lanos ve Mersedes Sprinter maşnaları çalıştı. Doquz adam yaralandı.
Fevralniñ 13-ünde, Aqmescitte Opel Vectra ve Chevrolet Aveo maşnaları qazağa oğradı. Neticede üç adam yaralandı.
Bağçasaray rayonınıñ Ulaqlı (Glubokiy Yar) köyü civarında "Tavrida" trassasında fevralniñ 5-inde aqşam yol qazası oldı.
