Aktsiya Ukrayina PEN-merkezi ve Vatandaş serbestligi merkezi tarafından teşkil etildi.
Halqara PEN teşebbüsi ile 1980 seneleriniñ soñunda noyabrniñ 15-nde dünya Esir yazıcılar kününi ya da "Boş kürsüler" kününi (Empty Chair Day) qayd ete. Bütün dünyada uquq qorçalayıcı aktsiyalarınıñ boş kürsüleri, apiske alınğan, taqip etilgen, ğayıp olğan ya da öldürilgen sebeplerden bizim yanımızda olamayıp, qanunsız surette zarar körgen müelliflerniñ timsali oldı.
2018 senesinden başlap Ukraнina PEN Vatandaş serbestligi Merkezi ile beraberlikte bu künde ukrayinlerge ve dünyağa Rusiye istilâsı sebebinden bu künde yanımızda olamaycaq yazıcılar, ressamlar ve bütün ukrayinalılar aqqında hatırlatmaq içün aq qorçalayıcı aktsiyanı teşkil ete.
Teşkilâtçılarnıñ aytqanına köre, tedbirniñ maqsadı — Ukrayinağa qoltutqan ve Rusiye Ukrayinağa qarşı cenk neticesinde qanunsız sürgün etilgen vatandaşlarnı ve cenk esirlerini azat etmek içün küreşken er kesniñ ğayretini birleştirmektir.
Kıyivde Sofiya meydanında keçirilgen aktsiya vaqtında tuvğanları, yaqınları ve zenaatdaşları ğayıp olğan, apiske alınğan ve esir alınğan ukrayin yazıcıları, jurnalistleri, ressamları ve aq qorçalayıcılarınıñ ikâyelerini tarif ettiler.
Aktsiyağa qanunsız şekilde apiske alınğanlar 2019 senesi oktâbr ayından 2022 senesi oktâbr ayına qadar Donetskniñ "İzolatsiya" apishanesinde tutulğan vatandaş jurnalisti, aq qorçalayıcı Lüdmila Hüseynova ve Qırımtatar Milliy Meclisi reisiniñ muavini Nariman Celâl, jurnalist ve aq qorçalayıcı, Rusiye akimiyeti tarafından 2021 senesi sentâbr ayından 2024 senesi iyünniñ 28-ne qadar apiske alınğan sabıq siyasiy mabüs de qoşuldı.
Ukrain PEN-merkeziniñ icracı müdiri Tetâna Terenniñ malümatına köre, beşinci yıl devamında keçirilgen Sofiya meydanında keçirilgen aktsiya vaqtında, mabüs, esir ve ğayıp olğan müellif, mediacı, ressam ve aq qorçalayıcılarnıñ adları yazılğan boş kürsülerden simvolik instalâtsiya qoyuldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
