Soñki afta içinde "Jovta striçka" tirenüv areketine Qırımda 50 yañı faal qoşulğan. Bunıñ aqqında faallerniñ telegram kanalında haber etile.
"Aqmescit, Aqyar, Yalta, Keriç, Kezlev, Prımorske Ukrayinadır! Vaqtınca işğal etilgen Qırım şeerlerinde "Jovta striçka" faalleri Rusiye işğaline tirenüvni devam eteler", - dep yazıla bildirmede.
Haber etilgeni kibi, bir afta içinde faaller Qırımnıñ işğaline qarşı tirenüvniñ işareti olraq 200-ge yaqın poster ve 250 sarı şerit asıp çıqqan.
Evel "Jovta striçka" areketiniñ faalleri işğal etilgen Qırımda "Al tut" aktsiyanı başlattı. Aktsiyanıñ maqsadı tennis toplarında vatanperver sözleri yazmaq ve işğal etilgen şeerde tarqatmaq edi.
Rusiyede ve işğal etilgen topraqlarda Ukrayinanı desteklegen faallerniñ taqip etilmesi devam ete. Rusiyege qoltutqan bloger Aleksandr Talipov Telegram kanalında Ukrayına tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını "itibardan tüşürgeninde" qabaatlanıp, memuriy ve cinaiy mesüliyetke çekile. Ukrayına prokuraturası Talipovğa qarşı "milletlerara nefret doğuruv" maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
