«Jovta striçka» areketiniñ faalleri işğal etilgen Qırımda «Al tut» aktsiyanı başlattı. Bu aqta areketniñ Telegram kanalında aytıla.
«Vaqtınca işğal etilgen Ukrayına topraqlarında ukrayınalılarnı aktsiyağa qoşulmağa çağıramız. İşğalcilerge Ukrayına toprağını terk etmeleri içün pek az vaqıt qalğanını hatırlatıñız», – dep aytıla haberde.
Aktsiya çerçivesinde tennis toplarında vatanperver sözleri yazılacaq, soñra ise işğal etilgen şeerde tarqatılacaq.
Faaller ilk aktsiyanıñ fotoresimlerini kösterdi.
«Kefede tennis toplarını zabitler binasınıñ kirişlerinden birinde, «Kafa» gazetasınıñ muarririyeti yaqınlarında, №2 mektepniñ qarşısında ve Yubileynıy parkında körmek mümkün», – dep aytıla haberde.
«Jovta striçka» areketi işğal altındaki Qırımda faallerniñ sayısı 3500 insan oldı, dep bildirdi.
Ukrayına Mudafaa nazirliginiñ Baş istihbarat idaresiniñ yolbaşçısı Kırılo Budanov Qırımnıñ işğalden azat etilüvi Ukrayına topraqlarınıñ diger topraqlarınıñ azat etilüvine oşaycaq, Rusiyege qoltutqanlar ise yarımadanı terk etecek, dep bildirgen edi.
Kreml kontrolindeki Qırım yolbaşçısı Sergey Aksenov Ukrayına fortifikatsiya ve mudafaa sebebinden yarımadanı işğalden azat etip olamaycaq, dep ayta.
Mayısnıñ 10-nda Azatlıq Radiosınıñ leyhası olğan Qırım.Aqiqatjurnalistleri 2014 senesi Rusiye tarafından işğal etilgen Qırım yarımadasınıñ Rusiye Federatsiyasınıñ 223 çalışqan, muvaffaq ve qapalı arbiy obyektleriniñ haritasını derc etti. Anda iyülniñ 19-nda patlav ve yanğınlar olğan «Starokrımskiy» poligonı da qayd etilgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
