ABD prezidenti Joseph Biden Amerikanıñ Ukrainağa desteginiñ deñişmezligi aqqında bildirdi. Bunı o sentâbrniñ 1-nde Vaşingtonda Ukraina prezidenti Volodımır Zelenskıy ile eki taraflı körüşüv vaqtında bildirdi.
«Ukrainanıñ mustaqilliginiñ 30-ncı yıldönümi qayd etkende memleketlerimiz arasındaki ortaqlıq daa kuçtlüce ve daa ziyade küçlü olacaq. Ukraina ve ABD-niñ aynı degerlikleri bar ve biz Avropa içün uzun müddetli maqsadımızğa sadıqmız», – dedi Biden.
ABD prezidenti Amerikanıñ Ukraina topraq bütünligi, suvereniteti ve mustaqilligi ile bağlı mevamı deñizmez olğanını qayd etti.
Sentâbrniñ 1-nde Ukraina prezidenti Volodımır Zelenskıy Amerika devlet başı Joseph Biden ile körüşüvni Qırım ve Donbas mevzusından başlamağa istey.
«Tek sual-cevap olmaycaq. Körüşüvimiz pek ciddiy, laqırdımıznıñ bir qaç yönelişi olacaq... Angi bir sualden başlaycağımıznı aytmaq qıyın. Bir çoq şeyge yalıñız cevap degil, fikirler eşitmek isteymiz», – dedi Zelenskıy.
Zelenskıy Vaşingtonğa avgustnıñ 30-nda kelip çıqtı. Anda üç kün bulunacaq. Artıq ukrain delegatsiyasınıñ vekilleri ile beraber bir qaç körüşüv keçirdi. Avgustnıñ 31-nde, Ukraina ve ABD strategik mudafaa aqqında çerçive añlaşmanı imzalağanını ayttı. Sentâbrniñ 1-nde ise Ukraina ve ABD devlet başları arasında körüşüv olıp keçmek kerek.
Evel, Ukraina ombudsmanı Lüdmila Denisova, Volodımır Zelenskıy Joseph Biden ile körüşüvde Donbas ve Qırımda esir etilgen ve bellisiz ğayıp olğan ukrainlerniñ cedvelini berecegini bildirgen edi.
