Qırım internet cemaatçılığını, yarımadağa Tavrida adını bermek teklifinen kene eyecanlandırdılar. İçtimaiy ağlarda bu fikirge hucur ve aqılsız dediler, ve Rusiye memurlarına kerçek işnen oğraşmaqnı tevsiye ettiler.
Keçken yıl Qırımnıñ ad deñiştirmesini, qırım yunanlarınıñ "Tavrida" milliy-medeniy cumhuriyetiniñ başı İvan Şonus faal şeklinde lobbi ete edi. O zaman qırımlılar bu fikirni duşmanlıqnen qarşıladı. Ancaq şimdi Şonusnıñ küçlü tarafdarı peyda oldı - Kreml tayin etken Qırım ükümetiniñ baş naziriniñ müavini, Rusiye prezidenti yanında cumhuriyetniñ daimiy reisi Georgiy Muradov. Rusiye matbuatınıñ malümatına köre, o, Qırımnıñ başqadan ad bermesi teklifine "emiyetli bir teşebbüs" dedi ve, yarımada sakinleri oña qol tutsa, bu ğayeni akimiyet organlarında muzakere etmege teklif etti.
Amma içtimaiy ağlardaki tefsirlerge köre, qırımlılarnıñ çoqusı evelki fikirde qaldı.
Biz, öz şeerimizde ne deñiştirmege istegenimizni muzakere etkende, Qırım memurlarınıñ başlarında daa global meseleler peyda ola! Nasıl eteyik de, özümizni köstereyik ve Qırım yarımadasına başqa ad bereyik? Yollarnı yaptıq, yalı kenarlarını abadanlaştırdıq, şeerlerni ad sıfatına ketirdik, tibbiyetni köterdik... İşte, mesele tek yarımadanıñ adında!
Sanki Qırımnı degil de, ya da şimdi o endi Qırım degil, amma başqa yarımadanı hırsızladılar?
Ya bu doğrultuv kerçekten kerekmi?
Ya "Qırım baari"? Hatıralarda silmek isteylermi?
Referendumnı teklif etem, biz içün qarar almağa yeter artıq
Ğaliba, Qırım akimiyetiniñ canı sıqıla, ne yapacaqlarını bilmeyler
Qırım ve Rusiyeniñ bütün meseleleri çezilgenini közde tutsaq, adnı deñiştirmege de vaqıt keldi.))
Bizim başqa meselelerimiz yoqmı? Bu paralarnı birden maña bere bilesiñiz)
Adamlarnıñ başqa işi olmağanı alı...
Aqça tıqmağa yer yoqmı? Ad deñiştirmesinen bu oyunlar ne kerek!? Canları sıqıldımı? Sade adamlarğa ne qadar aleket, pasportlar, vesiqalar, müürler, şeadetnamelerni kene deñiştir. Ebet, daa yañı bayraq, yañı tuğra ve daa bir şeyler! Bu multfilm degil de... Gemige nasıl ad berseñiz, öyle de yaldar! Yarımadanıñ adı ne olsa, olsun, yollar, normal tibbiyet, inkişaflı infrastruktura, inkişaflı turizm, normal fiyatlar olmasa, o kimge kerek olacaq?! 1000 elva deseñ de, ağzıñda tatlıca olmaz!
Bezdirdiler endi, adnı deñiştirmege ne hıyar bar?! Başqa problemalar yoq, tek Qırımnıñ adını deñiştirmege qaldı, qırımlılar memnünlar, kim memnün olmasa - <yoq oluñ>.
Adnı deñiştirirmiz - adamcasına yaşap başlarmız...:-)
Muzakere etkenler, şaqa olaraq, Qırımnıñ başqa adlarını da teklif ete edi.
Yoq, yahşıca Qırım-Tavr-İskiteriya. İskitler bu topraqlarda daa evel yaşadı da. Olardan evel ise (yañlışmasam), etruskler de yaşadı. Aysa, demek, Qırım-Tavr-İskiteriya-Etruskeriya olsun. Amma daa yahşısı, yüzden ziyade olğan bütün halqlarnı añmaq, o zaman kimseniñ canı ağırtmaz :-)))
Ya da neandertaletslergece barmaq
Çifte ad - bu az, menim teklifim - Krım Tavriya Kimmeriy Büyük Ermeniy Deñiz Ermeniy Ceneviz Qırımlı ada, bunıñ içün ise, bütün küç ve paralarnı israf etip, boyunnı qazıp çıqamaq kerek.
Referendum keçirmek kerek, men İsveçre içün rey berem.
Tefsirciler, Qırımnıñ adını deñiştirmek ğayesiniñ konkret maqsatları bar, dep tüşüne.
Bütün bu areketler, qırımlılarnıñ qavğalaştırmaq içün yapıla
* * *
Mında yazılğan bütün şey açıq menbalardan alındı
