Link açıqlığı

Saatnıñ esas haberi

İzzet Abdullayevniñ soñki sözü


Ekinci Aqmescit "Hizb ut-Tahrir davası"nıñ mabüsleri
Ekinci Aqmescit "Hizb ut-Tahrir davası"nıñ mabüsleri

Mayısnıñ 12-nde Rostov-na-Donudaki Cenübiy bölgesiniñ arbiy mahkemesi ekinci Aqmescit "Hizb ut-Tahrir davası"nıñ mabüsleri Tofik Abdulgaziyev, Vladlen Abdulkadırov, İzzet Abdullayev, Mecit Abdurahmanov ve Bilâl Adilovğa üküm çıqardı. Olar 12 ile 14 yıl apis cezalarsına mahküm etildiler. İzzet Abdullayev ilk 5 yılını apishanede keçirecek 12 yıl sert rejimli koloniyada qalmasına ve azat etilgen soñ 1 yıl azatlığı sıñırlanacaq, dep üküm çıqarıldı. Qırım.Aqiqat Abdullayevniñ mahkemede soñki sözüni yayınlay.

Menim soñki sözüm", soñki söz bu esnasta, amma umumen soñki degil.

Men, Abdullayev İzzet Mustafayeviç. Musulmanım, Ukrayina vatandaşım, siyasiy mabüsim. Men çoq qırımtatarlar, Qırım musulmanlarından biridirim. Menim taqip eteler ve başqa fikride olğanım içün mahkemeleyler.

İzzet Abdullayev
İzzet Abdullayev

Apishanede olğanım müddette mediadan böyle adiseler aqqında malümat aldım:

1. 2021 senesi mayısnıñ 11-nde Tataristanda on doquz yaşındaki gimnaziya talebesi silâ ve qurşunlar satın alğan. Kün ortasında o, tasil müessisesine kelip ateş açtı. Bundan evel içtimaiy ağlarda o, niyetini açıqlağan edi. Bunıñ neticesinde 9 adam öldi ve 23 zarar kördi. Bu sebepten RF Ceza Qanunnamesiniñ 105-nci maddesiniñ 2-nci qısmına binaen cinaiy dava açıldı.

2. 2021 senesi sentâbrniñ 20-nde Perm Devlet araştırma universitetiniñ studenti tasil müessisesiniñ binalarından birine ateş açtı. Bunıñ neticesinde 6 adam öldi ve 40 yaralandı. Tahqiqat Rusiye Federatsiyasınıñ Ceza Qanunnamesiniñ 105-nci maddesine binaen cinaiy dava açtı.

3. 2021 senesi martnınh 31-nde Moskva vilâyetinde 61 yaşındaki erkek tintüvnen oña kelgen küç hızmetiniñ hadimlerinden öz binasında barrikada qurıp, kerçek arbiy qarşı turma keçirdi. O, 10 saat devamında ateş açıp turdı. Erkekniñ arsenalıdna pek çoq silâ, granata ve diger silâlar edi. Bütün bunı erkek 10 saat devamında qullandı. Neticede tahqiqat Rusiye Federatsiyasınıñ Ceza Qanunnamesiniñ 317-nci maddesine binaen cinaiy dava açtı.

2018 senesi yüz bergen vaqialar aqqında da aytmaq kerektir. Oktâbrniñ 17-nde Keriç kölecinde patlavlarnen beraber ateş sesleri eşitilgen edi. Qolnen yasalğan cihazlardan ateş açılması sebebeinden 20 adam öldi ve 65 yaralandı. Bu adiseler bütün Qırımnı sarsıttı demek mümkün, çünki evel anda böyle bir şeyler olmağan edi. Eñ başından bunı Kavkaz asıllı bellisiz şahıs teşkil etkeni aqqında malümat peyda olğan edi. Oña qarşı Ceza Qanunnamesiniñ 205 maddesine binaen cinaiy dava açıldı. Amma soñra, bunı Vladislav Ruslâkov adlı şahıs, bu kölecniñ studenti yapqanı belli oldı ve dava maddesi 105-ke deñiştirildi.

Aytacağım, bugün Rusiyede patlavlarnıñ, atışlarnıñ, silânıñ, ölümlerniñ, yaralanmalarnıñ yüz bergen siyasiy adaletsizlik aqiqatında qanun qoruyıcı organlar bunı terror kibi saymay. Amma bunıñ olmağan, amma sizge atılğan edebiyat, kitaplarnıñ olğan yerinde ise bunı terror dep qıymetlendireler.

Amma kene de bütün bu manaçıqtır. Aqiqaten, men ve bu dava boyunca qabaatlanğan diger ballar da başqa fikirde olğanımız içün mahkemelenemiz. Ve tek biz degil, Rusiyede umumen başqa fikrde olğanlar taqip etile. Bugünde bir dane bile mustaqil media qalmadı. "Memorial" aq qoruyıcı merkezi qapatıldı, söz serbestligi boğdurıla. Eger akimiyet beyazğa qara dese, sen bunen razı olmalısıñ, ve buña qarşı olmamalısıñ.

Böyle etip, bizni terrorcılıq patlavlar, atışlar, ölümler, azaplar olğanı degil, kitap oqumağa olğanına inandırmağa isteyler. Bu Rusiyeniñ siyasetidir.

Amma öz-özüni aldatmaq mümkün degil, kitap oqumağa terrorcılıq degil, bunı er kes añlay. Bugünde RF-teki siyasiy yönelişi turğun degil, deñişip tura. Bir kün kelir, ve er kes bizn qırımtatarla, Ukraiyna vatandaşları siyasiy sebeplerden mahkemelengenlerimizni aytacaqlar. Suçlular ise cezalarını alacaqlar.

İzzet Abdullayev - qırımtatar, ekinci Aqmescit "Hizb ut-Tahrir davası"nıñ mabüsi, Rusiye akimiyeti tarafından tevqif etilgen ve apis cezasına mahküm etilgen, aq qoruyıcılar tarafından siyasiy mabüs kibi tanılğan.

«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Qırımdaki «Hizb ut-Tahrir davaları»

«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG