Qırım ilhaqı, Ukraina topraqlarınıñ bütünligi meselelerinde Türkiyeniñ fikri deñişmey, yarımadanıñ ilhaqını qanuniyleştirmek ıntıluvlar, memeleketniñ bu meselede siyasetine tesir etmey.
Böyle Türkiye Tış İşler Nazirliginde (TİN), İstanbulda «Türkiye-Qırım iqtisadiyat forumını» keçirilmesini tefsir etti, dep bildire "Ukrinform" Ukraina haber agentligi.
"Türkiyeniñ Ukraina boyunca gikri aydındır. Biz, Ukraina topraq bütünligine qol tutamız ve Qırımnıñ qanunsız ilhaqını tanımaymız. Şimdiki Qırım akimiyetinen resmiy bağımız yoq. Qırımnıñ ilhaqını qanuniyleştirmek ıntıluvlar, siyasetimizge tesir etmey", - denile müessiseniñ heber egentligine tefsirinde.
Daa evel Türkiye Cumhuriyetiniñ Ukraina elçisi Andriy Sıbiğa, Rusiye akimiyetiniñ İstanbulda «Türkiye-Qırım iqtisadiyat forumını» keçirmek niyetini takbih etti.
Türkiye Rusiyeniñ Qırım ilhaqını tanımadı. Bu sene avgust ayında Türkiye Tış işler naziri Mevlüt Çavuşoğlu memleketiniñ Rusiyeniñ Qırım ilhaqı ve qırımtatarlarğa qarşı basqı meselelerinen bağlı fikri deñişmedi, dep bildirdi.
