Ukraina prezidenti Volodımır Zelenskıy İranda "MAU" uçağınıñ qazasınen bağlı video hitapnı yazıp qoydı.
"2020 senesi yanvarniñ 8-i Ukraina ve bütün dünyanıñ tarihında qaza saife oldı. Elâk olğan 11 Ukraina vatandaşı - Vladimir Gaponenko, Aleksey Naumkin, Sergey Homenko, Denis Lıhno, Valeriy Ovçaruk, Yuliya Sologub, Yelena Malahova ve Olga Kobüknıñ qorantalarına ve yaqınlarına taziyemni bildirem", - dedi prezident.
O, devlet elâk olğan ukrainlerniñ qorantalarına yardım etecegini qayd etti.
"Başqa elâk olğanlarnıñ qoranatalarına da taziyemni bildirem. Belli ki, olarnıñ arasında İran, Canada, İsveçre, Afğanistan ve Büyük Britanuya vatandaşları oldı", - dedi Zelenskıy.
Prezident, Ukraina içün qaza sebebpleriniñ tayin etilmesi prioritet olğanını qayd etti.
İranda olğan uçaq qazası sebebinde Ukrainada yanvarniñ 9-ı matem künü kibi ilân etildi.
Yanvarniñ 8-inde Ukraina "Boeing"i Tegeran ava limanı yanında qazağa oğradı. Uçaqnıñ köterilüvinden soñra birden olğan qazanınıñ sebebi tehnikiy problemalar oldı - ukrain "Boeing" uçağınıñ köçüricilerinden birisi yanıp başladı. Uçaqta 11 Ukraina vatandaşı oldı. Kimse sağ qalmadı. Tegeranda "Halqara Ukraina ava yolları" avia şirketiniñ Boeing 737 uçağınıñ qazasında elâk olğanlarnıñ arasında eñ çoq İran ve Canada vatandaşı edi.
Uçaqnı 2016 yılda istisal ettiler. Şirket bildirgeni kibi, o yahşı çalışa edi ve uçuşından evel yanvarniñ 6-sında teşkerilgen edi.
