Yanvarniñ 8-inde İranda qazağa oğrağan uçaqnıñ bütün yolcuları elâk oldı, Bunı ISNA haber agentligine İran "Qızıl yarımay"ınıñ başı haber etti, dep bildire Azatlıq Radiosı.
O, uçaqtan 170 yolcu ve ekipaj azaları olğanını qoştı.
Ukrain "Boeing"iniñ bütün yolcuları elâk olğanı aqqında İran devlet televizion kanalları da haber ete.
170-180 yolcusı olğan Ukraina "Boeing"i Tegeran ava limanı yanında qazağa oğradı. Uçaqnıñ köterilüvinden soñra birden olğan qazanınıñ sebebi tehnikiy problemalar oldı.
"Qızıl yarımay" birleşmesi - İran teşkilâtı, Halqara Qızıl Qaç ve Qızıl Yarımay areketiniñ azası. İranda ve bazıda başqa memleketlerde gumanitar yardımını yapmaq içün faaliyet köstere.
