Qırımnıñ sabıq Kurort ve Turizm naziri, "Ukraina musafirçenlik sanayısı birleşmesi"niñ reberi Aleksandr Liyev Qırım.Aqiqatqa intervyü bergende, 2014 yılından soñ Belarustan ilhaq etilgen Qırımğa barğan turistlerniñ sayısı azlaşqanını ayttı.
O, 2011-inci senesinden başlap 2013-ünci senesine qadar Qırım 6 million turistni qabul etkenini ayttı, olardan 300 biñ adam belaruslar edi.
"Endi raqamlarğa baqayıq. Belaruslar Qırımğa baramı? Belki bir qaç adam baradır. Amma Belarus sakini içün Qırımğa barıp yetmek qıyındır. Üç yüz biñ adamdan şimdi eñ çoqu bir qaç yüz adam bara", - qayd etti sabıq memur.
Daa evel Qırımnıñ rusiyeli başı Sergey Aksönov, ilhaq etilgen Qırımda 2019 yılda 7,43 million turist raatlandı, bu ise 2018 senesi köstergiçlerinden 9,3% çoqçadır, dep Fecebookta yazdı.
Daa evel Rusiye nezaretindeki turizm, kurort ve sport komitetiniñ başı Aleksey Çernâk, 2019 senesinde ilhaq etilgen Qırımğa 159 memleketten musafir kelgenini bildire edi.
2019 senesi oktâbrniñ başında Rusiye nezaretindeki Qırim ükümetiniñ Kurortlar nazirligi, 2019 senesinde yarımadanı 6,6 million turist ziyaret etti, dep bildire edi.
