Link açıqlığı

Saatnıñ esas haberi

2019 yılda Qırımnı ondan evelki yılğa köre 9%-ğa çoqça turist ziyaret etti - Aksönov


İlhaq etilgen Qırımda 2019 yılda 7,43 million turist raatlandı, bu ise 2018 senesi köstergiçlerinden 9,3% çoqçadır, dep yazdı Fecebookta Qırımnıñ rusiyeli başı Sergey Aksönov.

"Musafirlerimizniñ 57% "Qırım köprü"nden keldi, şu cümleden altı biñden ziyade adam yılnıñ soñunda açılğan demiryolundan keldi. Umumen köpürden Qırımğa 2,5 million naqliyat kirdi", - dep qayd etti Aksönov.

Onıñ aytqanına köre, 1,1 millionğa qadar adam Qırımğa qıta Ukrainadan keldi. Ecnebiy raatlanıcılarnıñ 20% - Belarustan, 11% - Qazahistandan, 7% - Almaniyadan, 4% Özbekistanda ve 4% Ermenistandan, 3% - Estoniyadan, 2% - Azerbaycandan.

Daa evel Rusiye nezaretindeki turizm, kurort ve sport komitetiniñ başı Aleksey Çernâk, 2019 senesinde ilhaq etilgen Qırımğa 159 memleketten musafir kelgenini bildire edi.

2019 senesi oktâbrniñ başında Rusiye nezaretindeki Qırim ükümetiniñ Kurortlar nazirligi, 2019 senesinde yarımadanı 6,6 million turist ziyaret etti, dep bildire edi.

XS
SM
MD
LG