Link açıqlığı

İşğal etilgen Qırım «akimeti» yarımadanıñ tış reklamasını qanunsız olaraq tanıdı


İşğal etilgen Qırım «akimiyeti» yarımadanıñ tış reklamasınıñ 90% qanunsız olğanını qayd etti.

Bunı Qırımnıñ «malümat ve kütleviy alâqa naziri» Dmitriy Polonskiy bildirdi, dep haber ete Qırım «akimiyeti»niñ ruporı Krıminform saytı.

«Reklama inşalarınıñ 90% qanunlarınıñ bozuluvı ile yerleşkendir. Yani, qanunsız turmaqtalar», – dedi o.

Bu sebepten «nazirlik» tış reklamanıñ yerleşüvi boyunca bir qaç reglament azırlağandır.

Olarğa köre, yerli belediye akimiyet organları tış reklamanıñ yerleşüvi boyunca shemalarnı özü çıqaracaq eken, amma bunıñ ile beraber «Nazirler şurası» bu shemalarnı baqıp çıqacaqtır.

Polonskiyniñ sözlerine köre, Qırımnıñ «nazirler şurası» vesiqanı iyün 10-na qadar tasdiqalacaqtır.
XS
SM
MD
LG