Link açıqlığı

Saatnıñ esas haberi

Bağçasaraydaki «Hizb ut-Tahrir davasınıñ» mabüsi Muratovnıñ apis müddeti 3 ayğa uzatıldı


Zekirya Muratov
Zekirya Muratov

Bağçasaraydaki dördünci «Hizb ut-Tahrir davasınıñ» mabüsi Zekirya Muratovnıñ apis müddeti üç ayğa – 2022 senesi fevralniñ 17-ne qadar uzatıldı. Bu qararnı Rostov-na-Donu Cenübiy okrugınıñ arbiy mahkemesi çıqardı, dep bildirdi «Qırım birdemligi» cemaat birleşmesi.

«Bugünki oturışuvda gizli şaatnıñ sorğusı olacaq edi, amma COVID-19-ğa oğrağanı içün başqa künge qaldırmağa mecbur oldıq. Bunıñ yerine devlet prokurorı Sergey Aydinov dava malümatlarından delillerni, şu cümleden mabüsniñ ses qaydlarını seslendirdi. Bundan ğayrı, qabaatlayıcı Zekirya Muratovnıñ sıñırlav tedbirini uzatmağa rica etti. İmaye, prokuror kene tek qanunğa atıf etip, faktik bir malümat bermedi, dep qayd etti. Muratov koronavirus keçirdi, yürek-damar hastalıqlarınıñ ciddiy telükesi bar, saqat ola ve kiçik balası bar. Qabaatlanğan kişi sağlığı yaramay, dep qoştı – «ayağı quruy ve üyüşe, yürmege zorlana», – dep aytıla haberde.

Muratov 3-ünci derece saqatıdır. Faallerniñ aytqanına köre, adale-taqlet sistemasınıñ hastalıqları ve gipertoniya ve stenokardiya hronik hastalıqları bar. Aqımdaki seneniñ martnıñ 23-nde gipertonik kriz keçirdi.

Rusiye quvetçileri Zekirya Muratovnı iyülniñ 7-nde tuttı. FSB, onı «Hizb ut-Tahrir» bölüginde iştirak etkeninde qabaatlay. Rusiye quvetçileriniñ areketlerini Ukraina prezidentiniñ Qırım Muhtar Cumhuriyetindeki daimiy temsilciligi takbih etti, Qırım Muhtar Cumhuriyeti ve Aqyardaki Milliy politsiya Baş idaresi tintüvler aqqında Ukraina Ceza kodeksiniñ 162-nci maddesiniñ 2-nci qısmına (mesken tiyilmemezligini bozuv) ve Ukraina Ceza kodeksiniñ 146-ncı maddesiniñ 2-nci qısmına (qanunsız alda azatlıqtan marum etüv) istinaden cinaiy tahqiqat başlattı.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Qırımdaki «Hizb ut-Tahrir davaları»

«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG