«Hizb ut-Tahrir davası» mabüsleriniñ qorantaları nasıl yaşay (video)

Rusiye akimiyeti 2014 senesi yarımada ilhaqından soñ Qırımda «terroristlerni» qıdırıp başladı, dep tarif ete advokat Emil Kurbedinov. «Hizb ut-Tahrir» davası boyunca şimdi 32 mabüs bar. Yarımada Ukrayına kontroli altında olğanda Qırımda böyle davalar yoq edi. «Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.