«Memorial» uquq qoruyıcı merkezinen işbirlik etken advokat Radmir Saniyev Salavatnıñ (Rusiye) 2-inci tüzetüv cezahanesinde uzun müddet ŞİZO-da tutulğan «Hizb ut-Tahrir davası»nıñ figurantlarını Qırım sakinleri Teymur Abdullayevni ve Müslim Aliyevni yoqladı. Bunı uquq qoruyıcı merkeziniñ matbuat hızmeti haber etti.
«Advokat olarğa tayin etilgen cezalar ile bağlı malümatnamelerni «Memorial» uquq qoruyıcı merkezine berdi. Vesiqalardan, Müslim Aliyev 2019 senesiniñ aprel ayından 2021 senesiniñ noyabr ayınıñ soñunace 117 kere cezağa oğratılğan belli oldı. Aynı zamanda Başqırtistannıñ 2-nci tüzetüv cezahanesine avuştırılğan soñ onı ceza izolâtorlarına qapatıp başladılar: 202 senesiniñ başında o 208 kere czea izolâtorına qapatıldı. Teymur Adullayev ŞİZO-da daa çoq vaqıt keçirdi: 2020 senesiniñ mart ayından o 440 kere ceza izolâtorına qapatıldı», – dep yazıla bildirdi.
Aynı zamanda advokat, Aliyev ve Abdullayevniñ berilgen aşqa ve cezahaneniñ müdiriyeti tarafından yaramay munasebetke şikâyet etkenlerini ayttı.
Aynı zamanda avukat, Aliyev ve Abdullaev'in "yoksul yiyeceklerden ve koloni liderliğinin önyargılı tutumundan şikayet ettiklerini: yönetimin onlara normal insanlar olarak değil, terörist olarak baktığını" söyledi.
Uquq qoruyıcılarnıñ bildirgenine köre Müslim Aliyevni advokat ziyaret etken soñ ŞİZO-dan yibergenler.
Rusiyede mahküm etilgen Aqmescitteki «Hizb ut-Tahrir davasınıñ» mabüsi Teymur Abdullayev 37 künden berli Salavatnıñ (Rusiye) İK-2 ceza izolâtorında tutula, bu sağlığına tesir ete.
Teymur Abdullayev bir yıldan ziyade Rusiyeniñ Salavat şeerindeki koloniyanıñ ceza izolâtorlarında tutuldı. Ceza izolâtorınıñ memuriyetiniñ versiyasına köre, o, tutuv rejimini muntazam tarzda bozğan. İyünniñ başında, advokatları ve tuvğanlarınıñ ğayreti sayesinde onı ŞİZO-dan çıqardılar.
Moskva vilâyetindeki (Rusiye) Vlasiha şeeriniñ Arbiy istinaf mahkemesi iyünniñ 25-nde Yaltadaki «Hizb ut-Tahrir davasınıñ» altı mabüsine çıqarılğan ükümni deñiştirmedi.
Rostov-na-Donu Cenübiy okrugı arbiy mahkemesiniñ qararınen Muslim Aliyev 19 yılğa, İnver Bekirov 18 yılğa, Emir-Usein Kuku 12 yılğa, Vadim Siruk 12 yılğa, Arsen Cepparov 7 yılğa ve Refat Alimov 8 yılğa mahküm etildi.
Amnesty International aq qorçalayıcı teşkilâtı Yaltadaki «Hizb ut-Tahrir davasınıñ» bütün mabüslerini vicdan mabüsi dep adlandırdı.
Qırımdaki «Hizb ut-Tahrir davaları»
«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.
«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.