Link açıqlığı

Saatnıñ esas haberi

"Hizb ut-Tahrir davası"nıñ eki iştirakçisi "Qırım inciri" edebiy yarışnıñ mükâfatlarını aldı


Ekinci Aqmescit "Hizb ut-Tahrir davası"nıñ iştirakçisi Osman Arifmemetov ve Ekinci Bağçasaray "Hizb ut-Tahrir davası"nıñ iştirakçisi Server Mustafayev, "Qırım inciri" edebiy yarışında "Azatlıq sözleri" mahsus nominatsiyasında mukâfatlandırıldı, dep bildire Qırım.Aqiqat mühbiri.

Mukafatlarnıñ ğıyabiy berilmesi aqqında sabıq siyasiy mabüs Oleg Sentsov bildirdi.

"Olar ruhtan tüşmeyim, yazğanlarına, bizge söznen destek köstergenlerine pek quvanam. Biz ise, olarğa mından qol tutamız", - dedi Sentsov.

Kyivde dekabrniñ 13-ünde ekinci "Qırım inciri" ebebiy yarışınıñ ğaliplerini ilân ettiler.

Osman Arifmemetov - cemaat jurnalisti, "Qırım birdemligi"niñ faali. 2019 senesi mart ayında evinde keçirilgen tintüvden soñ apis etilgen edi. Onı 20 yılğa qadar apis cezasına üküm ete bileler. Yarışqa o, ukrain tilinde "Sürgünligim" eserini yolladı.

Server Mustafayev - "Qırım birdemligi"niñ koordinatorı, cemaat jurnalisti. Onı 20 yılğa qadar apis cezasına üküm ete bileler. Yarışqa o, qırımtatar tilinde "Alhamdulillâh, musulmanmız" şiirini yolladı.

Ekinci "Qırım inciri" edebiy yarışına 300-den çoq metin yolladı, olarnıñ arasında: ukrain tilinde - 165 eser, qırımtatar tilinde - 83, qırımtatar tilinden ukrain tiline tercimeler -35, ukrain tilinden qırımatatar tiline tercime - 21. Teskilcilerniñ malümatına köre, bu yıl yarışta Ukrainanıñ 20 vilâyetinden, bundan ğayrı, Türkiye, Poloniya, Bulğaristan ve Ürdünden müellifler iştirak etti.

“Qırım inciri” yazıcılar yarışı 2018 senesi yazda ilân etildi, konkurs eserleriniñ qabul etüvi oktâbrniñ 31-inde bitti. Bu vaqıt devamında jüri azaları, “Ukrain tilinde Qırım aqqında nesir”, “Qırımtatar tilinde nesir”, “Ukrain tilinde Qırım aqqında şiiriyet”, “Qırımtatar tilinde şiiriyet”, “Qadın nazarı”, “Qırımtatar tilinden ukrain tiline tercime”, “Ukrain tilinden qırımtatar tiline tercime” nominatsiyalarında 135 müelliften 244 iş aldı.

Sentabrde Lvivde 26-ncı Neşirciler forumı çerçivesinde "Qırım incirini cıyaraq" şiiriyet ve nesir oqumaları keçirildi.

XS
SM
MD
LG