Lvivde sentâbrniñ 22-sinde Lvivde 26-ncı Neşirciler forumı çerçivesinde "Qırım incirini cıyaraq" şiiriyet ve nesir oqumaları keçecek. Bunı öz Facebook saifesinde Qırım evi bildire.
Teşkilciler, tedbir vaqtında "Qırım inciri" birinci qırımtatar ve ukrain edebiyat antologiyasınıñ taqdimi olacağını haber ete. Taqdimde Qırım ve Ukraina şairler ve nesircileri, "Qırım inciri" yarışınıñ ğalipleri iştirak etecek.
Eserlerni, Maryana Savka, Seyare Kokça, Mayye Safet, Yeva Rayskaya, Galina Kruk, Roksolana Jarkova, Maryana Kiyanovskaya, Yekaterina Kalitko, Vladimir Beglov, Anastasiya Levkova ve Alim Aliyev oquycaqlar.
Oqumalar, Balalar ve gençlik içün birinci ukrain teatriniñ binaşında keçirilecek.
“Qırım inciri” yazıcılar yarışı 2018 senesi yazda ilân etildi, konkurs eserleriniñ qabul etüvi oktâbrniñ 31-inde bitti. Bu vaqıt devamında jüri azaları, “Ukrain tilinde Qırım aqqında nesir”, “Qırımtatar tilinde nesir”, “Ukrain tilinde Qırım aqqında şiiriyet”, “Qırımtatar tilinde şiiriyet”, “Qadın nazarı”, “Qırımtatar tilinden ukrain tiline tercime”, “Ukrain tilinden qırımtatar tiline tercime” nominatsiyalarında 135 müelliften 244 iş aldı.
Edebiy yarışnıñ jüri erkânına «Qırım eviniñ» program müdiri Alim Aliyev, yazıcı Yekaterika Kalitko, kino stsenaristi Andrey Kurkov, Ukraina yazıcılar birliginiñ azası Şevket Yunusov ve digerleri kirdi.
Dekabrniñ 1-den 2-sinece Qırım evinde, "Qırım inciri” yarışını yekünlegen, “Qırım inciri” ilk ukrain-qırımtatar edebiy festivali keçirilecek.
