Link açıqlığı

Saatnıñ esas haberi

Herson ve Zaporijjâ vileyatiniñ işğal altındaki topraqlarında rusiye pasportını alğan erkeklerge celpnameler bereler


Nümüneviy resim
Nümüneviy resim

Zaporijjâ ve Herson vilâyetleriniñ Rusiye tarafından işğal etilgen topraqlarından Ukraytna vatandaşlığından red etip, Rusiye pasportlarını alğan ve asker namzeti olğan erkeklerge işğalciler seferberlik celpnamelerini bereler. Bunı Ukrayina Silâlı Quvetleriniñ Baş ştabı haber ete.

Qaç kişi aqqında söz ketkeni belli degil.

"Rusiye işğalci ordusınıñ arbiyleri ealige qarşı qanunsız areketler yapmağa ve soğuncılıq ile oğraşmağa devam eteler. Mevcut olğan malümatqa köre, Melitopolde "kadırovlar" çiftçilik tehnikasınıñ tarqatıcılıq anbarını zapt etip, bütün mal-mülkni satmağa tırışalar", - dep qoştılar baş ştabda.

Arbiy areketler sebebinden diger menbalardan bu malümatnı teşkermek imkân yoq.

Rusiye Federatsiyasınıñ prezidenti Vladimir Putin sentâbrniñ 21-nde memlekette qısmiy seferberlik ilân etilecek, dep bildirdi. Buyruqta tek yedekteki vatandaşlar ve arbiy hızmet körgenler alınacaq, dep aytıla. Başta olar qoşma azırlıq körecek.

Rusiye Mudafaa naziri Sergey Şoygu Rusiye ordusına 300 biñ insan alınacaq, dep bildirdi.

Şoygu bir qaç ayda ilk sefer Ukrayınağa qarşı cenkte ölgen Rusiye askerleriniñ sayısını aydınlattı. Onıñ aytqanına köre, fevralniñ soñundan berli Ukrayınadaki cenkte 5937 insan elâk oldı.

Ukrayına Silâlı quvetleriniñ Baş ştabı sentâbrniñ 21-ne qadar Rusiye ordusı Ukrayınada 55 biñden çoq askerni coydı, dep haber ete.

Sentâbrniñ 21-nde Rusiyede ilân etilgen qısmiy seferberlik sebebinden Qırım ve Aqyarnıñ Rusiye akimiyeti askerlikke aluv komissiyalarını quruv aqqında bildirdi. Sergey Aksenov esas Ukrayınağa 1200 «göñüllini» yolladı ve daa eki batalyon azırlay, dep bildirdi.

Qırımdaki Rusiye kütleviy haber vastaları «añlaşmalı arbiy hızmetniñ» reklamasını yapa.

İşğal etilgen Qırımnıñ tahminen 5000 sakini Rusiye prezidenti ilân etken qısmiy seferberlikten soñ arbiy komissarlıqqa celpname aldı.

Daa evel berilgen malümatqa köre, Qırım ve Aqyarda Rusiyeniñ Ukrayınağa qarşı cenkinde ölgen Rusiye arbiylerini defin etmege devam eteler.

Ukrayına prokuraturasınıñ malümatına köre, 2015 senesinden başlap Rusiye Qırımda Rusiye Federatsiyasınıñ silâlı quvetlerine askerlikke aluv qanunsız kampaniyasını 15 kere keçirdi. Aq qorçalayıcılar Qırım ve Aqyar sakinleriniñ Rusiye ordusına aluvını halqara uquq bozuluvı dep adlandıra.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.
XS
SM
MD
LG