Noyab 28-inde gece rusiye quvetçileri qırımtatar Emir Mustafayevni yiberdi. O, Bavurça (Kamenka) qasabasında onıñ evinde keçirilgen tintüvden soñ tutılıp alınğan edi. Bu aqta advokatı Mammet Mambetov Qırım.Aqiqatqa haber etti.
“Saat 10-larda onı yiberdiler. O evinde geceledi. Şimdilik onı bir şeyde qabaatlamaylar”, - dedi Mambetov.
Advokatnıñ aytqanına köre, o, Emir ve Ruslan Murtazayevlerniñ evinde keçirilgen tintüvnin tafsilâtını ya da malümatını açıqlap olamay, çünki bu “davağa zarar ketire bile”.
İşğal etilgen Qırımnıñ Aqmescit rayonındaki Bavurçı (Kamenka) qasabasında noyabrniñ 28-nde Rusiye uquq qoruyıcıları qırımtatarları Emir ve Ruslan Murtazayevlerniñ evlerinde tintüvler keçirdi. Rusiye quvetçileri noyabrniñ 28-nde qırımtatar Emir Murtazayevni alıp ketti.
Rusiye Qırımnı işğal etken soñ andaki akimiyet mustaqil jurnalist, cemaat faalleri, qırımtatar milliy areketiniñ faalleri, Milliy Meclis azaları ve Rusiyede yasaqlanğan «Hizb ut-Tahrir» teşkilâtınen alâqaları bar olğanında şeklengen Qırım musulmanlarınıñ evlerinde sıq-sıq tintüv keçire.
