Link açıqlığı

Saatnıñ esas haberi

Rusiye uquq qoruyıcıları qırımtatarını tintüvden soñ alıp ketti – advokat


Mammet Mambetov
Mammet Mambetov

Rusiye uquq qoruyıcıları noyabrniñ 28-nde Aqmescit rayonınıñ Bavurçı (Kamenka) qasabasında evinde tintüv keçirilgen qırımtatarı Emir Murtazayevni alıp ketti. Bu aqta advokat Mammet Mambetov Qırım.Aqiqatqa haber etti.

«Ruslan Murtazayevniñ qardaşı Emir tutıldı. Aynı azbarda yaşaylar. Azbarda eki ev bar. Ruslanda bir şey tapmağan soñ Emirge ketkenler. Evni tintip, bir şey tapqanlar. Paketler alındı. Ev saiplerine aitmi ya da uquk qoruyıcılar ketirdi – belli degil. Ruslanğa kelip, qardaşını alıp ketkenler. Emirni narkotik tedavisi merkezlerine kösterip, sorğuğa alıp keteler», – dedi Mambetov.

Onıñ aytqanına köre, tintüv keçirgen Rusiye uquq qoruyıcıları tintüv qararını añlaşılmağan bir tarzda oqup tekrarlamağa istemediler.

İşğal etilgen Qırımnıñ Aqmescit rayonındaki Bavurçı (Kamenka) qasabasında noyabrniñ 28-nde Rusiye uquq qoruyıcıları qırımtatarları Emir ve Ruslan Murtazayevlerniñ evlerinde tintüvler keçirdi.

Rusiye uquq qoruyıcıları noyabrniñ 28-nde saba Aqmescitte Ukrain medeniyet merkeziniñ faali Galina Balabannıñ evinde tintüv keçirip, tehnikanı alıp ketti.

Rusiye Qırımnı işğal etken soñ andaki akimiyet mustaqil jurnalist, cemaat faalleri, qırımtatar milliy areketiniñ faalleri, Milliy Meclis azaları ve Rusiyede yasaqlanğan «Hizb ut-Tahrir» teşkilâtınen alâqaları bar olğanında şeklengen Qırım musulmanlarınıñ evlerinde sıq-sıq tintüv keçire.

XS
SM
MD
LG