Qırımnıñ cenübiy yalısında furtuna bir qaç plâjnı yuvup alıp ketti, dep bildire «Krım24» telekanalı.
Levhada deñiz furtunası Gurzuftaki plâjnıñ merdivenini yuvıp alıp kete, bazı plâjlar tamamen yoq etildi, dep bildire yerli akimiyet.
«Eki kün içinde eki plâj, demir-beton inşaları, sundurma yoq etildi, plâjlar tamamen yuvıp alıp ketirildi», – dep ayttı Gurzufnıñ Rusiye yolbaşçısı İgor Gets.
Onıñ aytqanına köre, olar plâjlarnı ğayrıdan tiklemek içün Yalta akimiyetinden maddiy yardım istedi.
Qırımnıñ bazı rayonlarında qasırğalı yel tereklerni maşina yollarına yıqtı.
Qırımda qurtarıcılar telükeli furtuna havfı yarımadada fevralniñ 27-ne qadar uzatıldı, dep tenbiledi.
Yaltada fevralniñ 24-nde ava bozulğanı içün «Yalta-Gorka» alatlı yolunıñ işi toqtatıldı. Mında küçlü yel köterildi, yağmur yağdı, dağlarğa yaqın yerlerde sılaq qar yağdı. Deñizde furtuna köterildi.
