Yaltada «Yalta-Gorka» alatlı yolunıñ işi toqtatıldı. Ava bozulğanı içün yolcularnı vaqtınca almaylar.
«Fevralniñ 24-25-ne furtuna havfını ilân etken sinoptiklerniñ tahminleri doğru çıqtı. Bugün künniñ ekinci yarısında Yaltada yel quvetleşti, yağmur yağa – ava sebebinden «Yalta-Gorka» alatlı yolu yolcularnı taşımay», – dep bildire müessise memuriyeti.
Aqyarda fevralniñ 24-nde saba furtunalı ava sebebinden parom keçiti çalışmay. Fevralniñ 24-nde üyleden soñ Aqyarda körfezdeki yolcu katerleriniñ areketi toqtatıldı.
Qırımdaki sinoptikler fevralniñ 24-25-nde avalar bozulacaq, dep tenbiledi. Yarımadada qıyın ava vaziyetleri beklenile: küçlü yağmur, sılaq qar, bazı yerlerde küçlü yağanaqlar, klegey buz, yollarda buzlavuq.
