Link açıqlığı

Saatnıñ esas haberi

FSB Yedi Quyu rayonında tapılğan saqlı arbiy yedekleri aqqında haber ete


Rusiye FSB-siniñ Qırım ve Aqyar sıñır hızmetiniñ idaresinde, Yedi Quyu (Leninskoye) rayonınıñ Yanış Taqıl (Zavetnoye) qasabasında baqımsız binanıñ içınde saqlı arbiy yedeklerni tapqanını haber ettiler.

"Eki yüzden ziyade 7,62 kalibrli patron, "F-1" granatası, üç "RG-42" granatası, dört kapsül detonatorı ve barot patlayıcı paketi tapıldı", - denile müessise matbuat hızmetiniñ beyanatında.

FSB bergen haberge köre, bütün nesnelerni aldılar ve saibini tapmaq içün teşkerüv tedbirleri yapıla.

Başqa menbaalardan bu malümatnıñ tasdıqı yoq.

2019 senesi iyül 31-inde Ukrain sıñırcılar, Herson vilâyetinen Qırım arasındaki memuriy sıñırda qadimiy silânı tutıp aldı.

XS
SM
MD
LG