Ukraina Devlet sıñır hızmeti işğal etilgen Qırım ve Herson vilâyetiniñ memuriy sıñırından balalarnıñ keçüvinen bağlı deñişmeler 2020 senesi fevralniñ 9-nda işke tüşürile.
Deñişmelerge köre, 16 yaşını toldurmağan balalar Qırımdan tek anası ya da babasınen, ya da vekâletli şahısnen ekincisinden yazma izin almayıp çıqa bile.
«Ana-babası Ukrainanıñ vaqtınca işğal etilgen toprağında yaşağan 14 yaşından 16 yaşına qadar balalarnıñ Yekâne devlet tasil meseleleri eletron sicilinde oquş malümatları olsa, özleri çıqa bile», – dep bildire müessise.
Devlet sıñır hızmetiniñ qayd ete ki, olğan deñişmelerge köre, 16 yaşını toldurmağan Ukraina vatandaşları Qırımdan çıqmaq ve anda kirmek içün iç Ukraina ya da çetel pasportını köstermeli.
Qırım.Aqiqat, balalar içün Qırım ve Herson vilâyetiniñ memuriy sıñırını keçüv qaideleri sadeleştirildi, dep bildirgen edi.
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».
