Faaller Ukraina Bayraq Kününe bağışlap, Rusiye tarafından ilhaq etilgen Qırim üzerinde 25 metrlik ukrain bayraqnı yaydıracaq ola.
Cemaat faali Natalya Lütikova haber etkeni kibi, bunı kerçekleştirmek içün 15 biñ ğrıvnâ toplamaq kerek.
"Dostlar, mıtlaq vatandaşlarım, bu teşebbüske qoşulmağa çağırtam, keliñiz kene birligimizni duyıp, Qırım - bu Ukraina olğanını bütün dünyağa köstereyik!", - yazdı faal.
Avgustnıñ 23-ünde Ukrainada Devlet bayrağı Künü qutlaylar. Bu bayramnı 2004 senesi öz qararınen prezident Leonid Kuçma tayin etken edi, ondan soñ prezidentlik yapqan Viktor Yuşenko, 2009 senesinde, avgust 23-ünde Ukraina bayrağınıñ köterilmesi merasimini başladı.
Resmiy malümatqa köre, 1991 senesi avgust 23-ünde bir qaç halq mebusı Yuqarı Radanıñ Sessiya zalına mavı-sarı bayraqnı ketirdi. O bayraqnı papaz Petro Boyko taqdis etken edi. Tamam bu vaqiağa Leonid Kuçmanıñ "Ukraina Devlet Bayraq Künü aqqında" fermanı bağışlanğa, Ertesi künü, 1991 senesi avgust 24-ünde Ukraina öz mustaqilligini ilân etti.
Anayasağa köre, Ukraina devlet bayrağı — eki sarı ve mavı yatma sızıqlı sancaqtır.
