Link açıqlığı

Saatnıñ esas haberi

Aqmescitte 15 künge apiske alınğan Eldar Odamanov ve Arsen Ahtemov azatlıqqa çıqtı – faaller (+foto)


Eldar Odamanov
Eldar Odamanov

Aqmescitte 15 künlik apisten soñ qırımtatarları Eldar Odamanov ve Arsen Ahtemov azatlıqqa çıqtı, dep bildire «Qırım birdemligi» cemaat birleşmesi.

«Tahqiqat izolâtorından çıqqan er adamlarnı ömür arqadaşları, ana-babaları, soy-sopları, imayecileri qarşılamağa keldi», – dep aytıla haberde.

Daa evel berilgen malümatqa köre, sentâbrniñ 3-nde tutulğan ve 15 künge apiske alınğan qırımlı Eldar Odamanovnı Aqmescitteki vaqtınca tutuv izolâtorından belli olmağan yerge alıp kettiler. Odamanovnıñ vaqtınca tutuv izolâtorından ğayıp olğanı aqqında haber çıqqan soñ, Rusiye kontrolindeki Aqmescitniñ vaqtınca tutuv izolâtorınıñ nevbetçi bölügi advokat Lilâ Gemecige apiske alınğan Odamanov izolâtorda qala, dep bildirdi.

Sentâbrniñ 4-nde Ukraina aq qorçalayıcı teşkilâtları «Qırım platformasınıñ» iştirakçilerini ükümetler arasında Rusiyeniñ Qırımda keçirgen yañı tintüvlerini ve apiske aluvlarnı takbih etken ortaq beyanat çıqarmasına ve Qırım sakinleriniñ evlerinde keçirilgen tintüv, olarnıñ tutuluvı ve hırsızlanuvına alâqası olğan şahıslarğa qarşı sanktsiyalar kirsetmesine çağırdı.

Sentâbrniñ 9-nda Tış işler naziri Dmıtro Kuleba Ukraina tutulğan qırımtatarlarnı azat ettirmek içün «Qırım platformasındaki» ortaqlarınen işbirligi yapacaq, dep bildirdi. Onıñ qayd etkenine köre, Ukraina diger memleketlernen meselatlar keçire.

Ukraina prezidentiniñ Qırım Muhtar Cumhuriyetindeki daimiy vekiliniñ muavini, «Qırım platforması» Ofisiniñ vekili Darya Sviridova Qırım.Aqiqatqa tefsir berip, «Qırım platformasınıñ» yedi iştirakçisi Qırımdaki yañı tintüvlerni, apis cezalarını ve tutuvlarnı takbih etti, dep bildirdi. Bular – ABD, Türkiye, Letoniya, Litvaniya, Çeh Cumhuriyeti, Büyük Britaniya ve Avropa Birligi.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG