Aprelniñ 5-ne qadar dünyada COVID-19 koronavirus yuqunçına oğrağan hastalarnıñ sayısı 1,2 milliondan çoq oldı.
Bu aqta Johns Hopkins Universiteti bildire, dep haber ete Azatlıq Radiosı.
64784 insan COVID-19-dan vefat etti, 247000-den çoq tüzeldi.
Aprelniñ 4-ü sabasına qadar dünyada koronavirus hastalarınıñ sayısı 1 mln 100 biñ edi, 58929 insan vefat etti, 226669 kişi tüzeldi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.