Link açıqlığı

Saatnıñ esas haberi

Dalıcılar Kefede üç plâjnıñ tübüni temizledi


Kefede “Krım-SPAS” bölüginiñ qurtarıcı dalıcıları üç plâjnıñ tübüni temizledi. Bu aqta Rusiye FVN-niñ Qırım idaresiniñ naziri Sergey Şahov bildirdi.

Temizlev işlerini kurort mevsimine azırlanaraq,bazar künü keçirdiler.

“Dalıcılar eki şahsiy ve bir federal plâjlerınıñ tüplerini teşkerip temizledi. İş vaqtında fevqulade nazirliginiñ hadimleri, adamlarğa zarar ketire bilecek totlu demir, madde parçalarını, armaturalarnı çıqardı. Qurtarıcılar, yalı kenarından 50 metr uzaqlıq ve 5 metr terenlikni temizledi”, - Şahovnıñ sözlerinden yaza FVN-niñ Qırım idaresiniñ matbuat hızmeti.

Nazir qayd etti ki, temizlev işleriniñ umumiy mıntaqası 7030 kvadrat metr oldı.Müessise başı qoştı ki, Qırım plâjlarını mevsimge azırlav işleri devam etmekte.

Haber etilgeni kibi, yaldav mevsiminden evel “Krım-spas” qurtarıcı teşkilâtınıñ hadimleri deñiz yalısını teşkergen ve temizlegen.

Hususan, Yalta şeerinde deñiz yalısı teşkerilip baqılğan. FVN hadimleri deñiz tübünden küçük madde parçalarını çıqarğan. Qurtarıcılar, yalını 5 metr terenliginece ve 50 metr uzaqlığınace temizlegen. Teftiş etilgen mıntaqanıñ umumiy meydanlığı 1500 metr kvadrat edi.

XS
SM
MD
LG