Qırımda bir künde 15 insan koronavirustan vefat etti – bir kün evelsi qayd etilgen vefat sayısı bir kişi az edi, dep haber ete Qırımnıñ Rusiye sağlıq nazirligi.
Müessise malümatına köre, umumen pandemiya vaqtında Qırımda 1808 insan koronavirustan vefat etti.
Qırımnıñ Rusiye yolbaşçısı Sergey Aksenovnıñ avgustnıñ 4-nde bildirgenine köre, keçken künü 361 COVID-19 hastası qayd etildi.
«271 hasta tibbiy yardım içün muracaat etkende qayd etildi, 88 insan daa evel qayd etilgen hastalarnen alâqada oldı, 2 hasta çetelden keldi», – dep yazdı o, içtimaiy ağlarda.
Qırımda haber etilgenine köre, avgustnıñ 2-nde 14 COVID-19 hastası qayd etildi, 368 hasta qayd etildi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
