Keçken künü işğal etilgen Qırımda 3 koronavirus hastası vefat etti, pandemiya vaqtında vefat etkenlerniñ sayısı 1175 oldı, dep haber ete yarımadanıñ Kreml kontrolindeki sağlıq nazirliginiñ matbuat hızmeti.
«444 insan (COVID) ambulator tedaviylevde buluna, 1454 kişi (COVID ve pnevmoniya) hastahanelerde buluna. Umumen 39663 COVID-19 hastası qayd etildi. Tüzelgen 36879 insan yiberildi», – dep aytıla haberde.
Qırımda keçken künü 98 yañı koronavirus hastası qayd etildi, 12-siniñ hastalıq alâmetleri yoq.
Aqyarda aprelniñ 22-nde 24 yañı COVID-19 hastası qayd etildi, üç hasta vefat etti, pandemiya başlağanından 600 kişi vefat etti.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
COVID-19 koronavirus yuqunçı
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
