Aqyarda aprelniñ 22-nde 24 yañı COVID-19 hastası qayd etildi, tüzelgen 29 kişi çıqarıldı, dep bildire şeerniñ Rusiye ükümeti.
«67 yaştan 74 yaşqa qadar üç insan vefat etti. Umumen Aqyarda 13 885 kişi yañı koronavirus yuqunçına oğradı. 12 742 insan tüzeldi, 600 kişi vefat etti. 323 insan közetile», – dep aytıla haberde.
Qırımda keçken künü 98 yañı koronavirus hastası qayd etildi. Bir künde 95 insan yahşı oldı, bütün müddet devamında 36 879 kişi tüzeldi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
COVID-19 koronavirus yuqunçı
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
