Mayısnıñ 23-ünde Londonda Qırımdan olğan ukrain boksçu Oleksandr Usık ile ingliz Derek Chisora olacaq uruşnı başqa tarihke keçirdiler. Bunı Matchroom Boxing promouter şirketi bildirdi.
Beyanatqa köre, koronavirus pandemiyasına köre, Matchroom Boxing, mayıstaki bütün uruşlarnı başqa künge avuştırdı.
Usik ve Çisoranıñ yañı uruş künü daa belli degil.
"Uski ve Çisoranıñ yañı uruş künü tayinlene. Biletler yañı uruş tarihında keçirli olacaq. Biletlerni alğan yeriñizde qaytarmaq mümkün", - denile beyanatta.
Martın 13-ünde, cüma künü Londonda Qırımdan olğan ukrain boksçu Oleksandr Usık ile ingliz Derek Chisora arasında ilk baqış dueli keçti.
Hatırlatayıq, Qırımdan olğan ukrain boksçu Oleksandr Usık ile ingliz Derek Chisora arasında uruş mayısnıñ 23-ünde Londonda O2 arenasında olacaq.
Oktrâbr 13-ünde ukrain boksçu Oleksandr Usik super ağır çekide birinci küreşinde ğalebe qazandı, o amerikalı Chazz Witherspoonnen küreşe edi.
2018 senesi noyabrniñ 11-nde Usik britaniyalı Toni Bellyüni Mançesterde nokaut etip, 90,7 kilogrammğa qadarki çekide mutlaq dünya çempionı unvanını qorçaladı. Usik WBC, WBA, WBO, IBF versiyalarına köre çempion quşağını ve The Ring mecmuasınıñ unvanını qorçaladı.
Daa evel Aleksandr Usik 90,7 kilogrammğa qadar çekide dünyanıñ mutlaq çempionı oldı. Ukrainalılarnıñ dünya boks superseriyasınıñ final uruşında rusiyeli Murat Gassiyev ile yarışlaştı. 12 raund neticelerine köre Aleksandr Usik akemlerniñ qararı ile ğalebe qazandı.
