Aqyarda mayısnıñ 20-nde 31 yañı COVID-19 hastası qayd etildi, tüzelgen 27 insan hastahaneden çıqarıldı, 71 ve 93 yaşında eki kişi vefat etti, dep haber ete şeerniñ Rusiye akimiyeti.
«Umumen Aqyarda 14 543 insan yañı koronavirus yuqunçına oğradı. 13 469 kişi yahşı oldı, 665 insan vefat etti. 280 insan közetile, olar hastalarnen alâqada oldı, amma COVID-19 diagnozı tasdıqlandı», – dep aytıla haberde.
Qırımda keçken künü 89 yañı hasta qayd etildi, bu diagnozı olğan dört insan vefat etti.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
COVID-19 koronavirus yuqunçı
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
