Link açıqlığı

Saatnıñ esas haberi

Koronavirus: Qırımda 89 yañı hasta qayd etildi, 4 insan vefat etti – akimiyet


Qırımda keçken künü 89 yañı hasta qayd etildi, bu diagnozı olğan dört insan vefat etti.

«Mayısnıñ 19-nda Qırım Cumhuriyetinde 89 koronavirus hastası qayd etildi, 4-üniñ hastalıq alâmetleri yoq. 61 hasta tibbiy yardım içün muracaat etkende qayd etildi, 28 kişi daa evel qayd etilgen hastalarnen alâqada oldı», – dep yazdı Facebook saifesinde Kreml kontrolindeki Qırım yolbaşçısı Sergey Aksenov.

Qırımnıñ Rusiye sağlıq nazirliginiñ malümatına köre, 264 insan (COVID) ambulator tedaviylevde, 1559 kişi (COVID ve pnevmoniya) hastahanelerde buluna. Umumen pandemiya başlağanından 42459 COVID-19 hastası qayd etildi.

Bundan evel Qırımda 92 koronavirus hastası qayd etilgen edi.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

COVID-19 koronavirus yuqunçı

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG