Koronavirusnen hastalanğan «Avropa birdemligi» firqasınıñ lideri, Ukrainanıñ beşinci prezidenti Petro Poroşenkonıñ alı fenalaştı, dep bildirdi siyasetçiniñ ömür arqadaşı Marına Poroşenko Yanina Sokolovağa bergen intervyüsında, dep haber ete Azatlıq Radiosı.
«Eki taraflı aqciger yanğısı bar. Hastahanede qala, tedaviylene. Ne yazıq ki, qan vaziyeti fenalaştı – pek qoyu. Ekimler vaziyetni kontrol etmek ve hastalıq nasıl keçkenini añlamaq içün onı talil içün bile alıp olamay», – dedi Marına Poroşenko.
Onıñ aytqanına köre, COVID-19 qayd etilgen qızları Yevğeniya babasınen qıyaslansa, hastalıqnı daa qolay keçire.
Petro Poroşenkonıñ eki taraflı aqciger yanğısı ile hastahanege alınğanı oktâbrniñ 3-nde belli oldı. Sentâbrniñ 29-nda Poroşenko koronavirus yuqunçı qayd etildi, dep bildirdi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
