Link açıqlığı

Saatnıñ esas haberi

Volodımır Zelenskıy cenk ne vaqıt bitecegini tarif etti


 Volodymyr Zelensky
Volodymyr Zelensky

Ukraina prezidenti Volodımır Zelenskıy «Ukraina özüne ait olğanlarnı» qaytarğanda cenk bitecek, dep bildirdi.

«Bizge ait olğanlarnı qaytarğanda Ukraina halqı içün cenk ancaq o vaqıt bitecek. Başqasına ait olğanlarnı istemeymiz, çünki er şeyni baqmaq kerek, tek bizge ait olğanlar kerek. Devletimizge, toprağımızğa barışıq qaytarmağa isteymiz. Bizge ait olğan er şeyni qaytarsaq, bu cenkni bitirecekmiz», – dep ayttı o, Frenkistan universitetleriniñ studentleri, akademik ve media vekillerinen subetleşip.

Onıñ bildirgenine köre, hususan barışıqnen bağlı er angi muzakereler ültimatum degil, dialog yolunen keçirilmeli.

Zelenskıy, Rusiye ordusı ukrainalılarğa qarşı qorqunç cinayetler yapqan er seferinde diplomatik yollarnen cenkni bitirüv imkânları eksile, dep qayd etti.

Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.

Aprelniñ başında Moskva Ukrayina şimalinde faal olğanını toqtattı, dep bildirdi. Tezden Ukrayina akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.

Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.

Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG