Rejissör ve oyuncı, ''Qırım eviniñ'' müdiri, Ukrayina Silâlı quvetleri 241-inci ayrı brigadasınıñ cemaatçılıq ve kütleviy haber vastaları ile işbirligi hızmetiniñ yolbaşçısı Ahtem Seitablayev ile intervyüniñ ekinci qısmı. Qırım.Aqiqatnıñ yayınında Seitablayev Kıyivniñ territorial mudafaasına yazılğanını, yaqında dünya yüzüni körecek yañı filmi ve ne içün cenk aqqında filmlerni sevgeninini tarif etti.
– Fevralniñ 25-nde territorial mudafaasına ketkensiz, dep oqudım. Bunı yapmaq içün nevbetlerde turğandırsız...
– Doğrudır. Bu qolay degil edi. Men Sovet Birliginde doğdım ve cinsler satın almaq ne qadar qıyın olğan aqlımdadır. Territorial mudafaasına yazılmaq bundan daa qıyın edi. Neticede dostuma telefon ettim, o da maña "Ahtem kel" dedi. Ve biz tez-tez kettik.
– Çoqqa baracağını tüşündiñizmi?
Şu vaqıttan berli üç, dört, kimerde aynı zamanda birden beş çekiş gruppası çalışa
– Şu vaqıtta bunı tüşünmedim. Şu vaqıtta duşman ile qarşılaşqan zaman eliñde bir şey olmasını istey ediñ. Eki saattan soñ bizni batalyonnıñ yerleşken yerden Gastomel yaqınlarındaki oramanğa ketirdiler. Eki kün ve eki gece anda keçirdik. Soñra bizni rotatsiya etkende meni batalyon komandanlığını çağırıp dediler: "Ahtem bey, siz 206-nci batalyonnıñ matbuat zabiti vazifesine tayin etilesiñiz, faaliyetimiz aqqında tarif etmek kerek olacaqsıñız". Şu vaqıttan berli üç, dört, kimerde aynı zamanda birden beş çekiş gruppası çalışa. Bugınge qadar 16 terabayt material çektik. Men batalyonnıñ matbuat zabiti vazifesine tayinlengenimden on kün soñra askerlerimizniñ resimleri The New York Times, Guardian, Reuters saifelerinde peyda olğanından ğurur duyam.
Men kene ve kene doğru mündericeniñ, yahşı yapılğan işniñ öz neticeleri olğanını añlayım. Şimdi men bunı ğayet eyi qullanğan duşman aqqında da aytam. Bunıñ neticelerini köremiz: Rusiye ealisiniñ büyük qısmı vakuum içinde yaşay ve aqlını çalışıtırıp, televizordan ğayrı diger malümat menbaları olğanını añlamağa istemey. "Ayfon"nı olar icat etmegenini, Marsqa ketmegenini, "Mersedes"ni de yasamağanını, amma yandırıp olğanını ğurur ile qabul etelerdir. Amma yandırmağa da bilmegenlerini köremiz.
Beşeriyet tarihı köstere ki, bilgili insandan nefret etken cenkâver caillik özüni mahv etmege mahkümdir. Amma ne yazıq ki, bir şey deñişkence büyük sayıda yahşı insanlarda ketecek.
– İçtimaiy ağlarda arbiy kimiyde siziñ resimleriñizni körgenimde aqlıma birden "Haytarma" filmi kele. O zaman öz memleketiñiz içün cenkleşmek kerek olacağını iç tüşündiñizmi?
Cenkleşmek sevmeyim, cenkni de sevmeyim, ve doğrusını aytqanda cenk aqqında filmlerni de sevmeyim
– Elbette yoq. Bunı mümkün olğanını tahmin ete bilemezsiñ. Personajnıñ aytqanı kibi: er kes yeberecek, biz ise ölecekmiz (söz ğaliba Vladimir Putinniñ aytqanıları aqqındadır – QA). Yoq, yeberecegi sensiñ. Çünki başqa türlü ola bilmez. O kerçek bir şeytançik, şentan da degil. O O qadar kompleksli ve kendi halqını sevmgen, onı ölümge yollağan şeytançıqtır.
Cenkleşmek sevmeyim, cenkni de sevmeyim, ve doğrusını aytqanda cenk aqqında filmlerni de sevmeyim. 2014 senesinden berli çoq sayıda arbiy ve göñüllilerni tanımaq qısmet oldı. Olarnıñ iç birisinde bunda coşqun olğanını eşitmedim.
"Kiborglar" filminiñ kösterilüvine nasıl kelgenimni hatırlayım: tarla ortasında suvuq istisal hanesi, ava sıfırdan aşağı 25 derece, cebege qadar eki kilometr. Erkekler ayaqta turıp filmni seyir eteler. İç birisi ketmedi. İlk kösterilmeden evel filmniñ kösterilüvleri Mariupolde başlandı. Ve antında turğan ve Qırımdan çıqıp ketken deñiz piyadesiniñ kombatı Suharevskiy zaldan çıqıp menim tarafıma ketkenini hatırlayım. O yanıma kelip böyle yaptı (Seitablayev elini tasavur etilgen furaşka küneşligine qoya– QA) ve men nefes çıqardım.
Amma keliñiz cenk aqqında filmlerni çekeyik ki, soñrada kerçek ayatta cenkleşmek kerek olmasın
Amma keliñiz cenk aqqında filmlerni çekeyik ki, soñrada kerçek ayatta cenkleşmek kerek olmasın. Keliñiz tarihnı ögreneyik. Men ulu Golda Meirniñ aytqanlarına koltutam: kerçek, qaviy bir memleket olmasını isteseñiz, memlekette yahşı yüksek aylıqlı ve ürmetli zenaatlar ocalar, ekimler ve arbiyler olmalıdır. Yaşayış bunıñ doğru olğanını köstere.
– "Mırnıy - 21" filmi ne zaman kösterilecek?
– Film aprelniñ 30-nda, Ukrayina sıñırcısı kününde kösterilmek kerek edi. Çünki bu ikâye Lugansk sıñır müfrezesi aqqında vesiqalı ikâyesine esaslana. Bu ikâyeni ilk sefer "Cesür yürekler" yayınnı plıp barğanda ve o vaqıt bu müfrezeniñ komandanı olğan Sergey Deynenko ile tanışqanımda eşittim. Onıñ ikâyesinden soñ men ne yaptım, inanmadım. Bu qadar uydurmaq ne kerek dep tüşündim?
Ne içün böyle tüşündim? Çünki 2014 senesi fevralniñ 27-nde men Aqmescit merkezinde edim ve anda bam başqası kördim: SBU, prokuratura ve diger qurumlarnıñ hadimleri hainler olıp çıqtı. Mında ise Luganskta 85 faizi yerli sakinlerden ibaret olğan sıñır müfrezesi ücümge qarşı çıqıp, kendini qorçalap olğan.
Bu filmniñ esas maqsadı işançtır. Bu esas añlamdır, munasebetler sistemasıdır. İşanç olmadan yaşamaq mümkün degil - ne şahsiy yaşayışta, ne zenaatta, ne memlekette. İnaşçsızlıq er şeyni yoq ete. Ve bu inanılmaz ikâye bizim qonuşmağa utanğanımız şey aqqındadır: şahsiyetniñ tarihtaki vazifesi aqqında.
– Ya "Mırnıy-21" ne zaman kösterilecek?
– Ümüt etem ki, oktâbrniñ 14-nde İmayeciler kününde, Pokrov kününde, Ukrayina qazaqlığı kününde, UPA yaratıluvı kününde kösterilecek. Ya da eñ olmağanda dekabrniñ 6-nda, Ukrayina Silâlı Quvetleri kününde. Ve ümüt etem ki, Hersonda da ilk kösterilme olacaq. Bu sene Bağçasaray da olurmı yoqmı bilmeyim, amma kelecek sene mıtlaqa Bağçasarayda da olacaq.
MALÜMAT: Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Aprelniñ başında Moskva Ukrayina şimalinde faal olğanını toqtattı, dep bildirdi. Tezden Ukrayina akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.
Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.
Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
