Link açıqlığı

Saatnıñ esas haberi

Burçaqlı sağanaq Keriç soqaqlarını bastı – kütleviy haber vastaları


Keriçte sağanaq, arhiv fotoresimi
Keriçte sağanaq, arhiv fotoresimi

Bazarertesi künü, iyünniñ 7-nde, Keriçte burçaqlı küçlü yağmur yağdı ve şeer soqaqlarını basıp, naqliyat areketini zorlaştırdı, dep bildire yerli kütleviy haber vastaları.

Kerch.com.ru malümatına köre, Vokzalnoye şossesi, Proletarskaya soq., Kozlov soq., Kirov soq. ve Furmanov soq. yanında Gorkovskiy köpründen enişni suv bastı.

«Gorkovskiy köpründe naqliyat tıqanıqlığı oldı: maşinalarnı suv o qadar bastı ki, saipleri çıqıp olarnı itmege mecbur. Yağmurda qalğan yaya şeerliler başqa tarafqa keçmek içün ayaqqaplarnı çıqarmağa mecbur edi», – dep yaza neşir.

Keriçte yaramay aqqında KerçFM neşiri de haber ete.

Qırımda iyünniñ 7-nde künniñ soñuna qadar furtuna havfı ilân etildi, küçlü yağmur, burçaq, boranlı yağmur yağması, saniyede 17-22 metr süratlı yel esmesi beklenile.

Aqmescitte mayısnıñ 29-nda küçlü yağmur yağdı, yel bir çoq soqaqta tereklerni yıqtı. Suv Semaşko tibbiy merkeziniñ birinci qatını bastı. Bu lokal temizlev inşalarında avtomatika işinde bozuvlar sebebinden oldı.

Mayısnıñ 30-nda Aqmescitte küçlü yağmur yağdı, 30 millimetr yağanaqlar yağdı.

XS
SM
MD
LG