Ukrayina TİN yolbaşçısınıñ birinci muavini Emine Ceppar Rusiyeniñ nezaretinde olğan Qırım Yuqarı mahkemesi siyasetçi ve faal Nariman Celâl ve qırımtatar faalleri, ağa-qardaş Asan ve Aziz Ahtemovlarğa çıqarğan ükümni "intiqam eylemi" dep saya.
"Elbette bu ükümler: Nariman, Aziz ve Ahtem içün 17, 15, 13 yıl "Qırım platforması" içün intiqamdır. Ukrayinanıñ Qırımnıñ kimniñ olması, Qırım oğrunda küreşmek ne içün kerek olğanı ve Ukrayinanıñ öz suveren toprağını qaytarmaq niyetinde olması meselesini lâyıq ve uyğun şekilde kötergeni içün. Nariman ise "Qırım platforması" iştirakçisi kibi, bu yıllar devamında işğalde öz fikrini ifade etmekten qormağan adam kibi, sammitke kelip bir daa bunı bildirdi. Bu körünip turğan intiqam eylemidir. Amma bu kibi intiqam eylemleri çaresizlikni köstereler, çünki Rusiyeniñ iskence, apis ve öldürmekten ğayrı başqa iç bir küreşüv vastaları yoqtır", - dedi Ceppar.
Cepparnıñ sözlerine köre, Rusiyeniñ nezaretinde olğan Qırım Yuqarı mahkemesiniñ bu kibi qararı "Rusiye akimiyetiniñ Qırıma çaresizligine delâlet ete".
Sentâbrniñ 21-nde Rusiyeniñ nezaretinde olğan Qırım mahkemesi "gaz borusında diversiya davasınıñ" üç mabüsi – siyasetçi ve faal Nariman Celâl ve qırımtatar faalleri, ağa-qardaş Asan ve Aziz Ahtemovlarğa üküm çıqardı.
Qırımtatar halqınıñ Milliy lideri Mustafa Cemilev Türkiye prezidenti Recep Tayyip Erdoğan ile qırımtatr faali ve siyasetçisi Nariman Celâlnıñ Rusiye apsinden azat etilmesi meselesini muzakere etemek niyetindedir.
Avgustnıñ 23-nde "Qırım platforması" halqara sammitiniñ iştirakçileri Rusiyeni tevqif etilgen qırımtatar siyasetçisi ve faali Nariman Celâlnı azat etmege çağırdılar.
Avropa Şurası Parlament Assambleyasınıñ 7 aza memlketinden 27 azası Ukayina Yuqarı Radasınıñ "Ukrayinanıñ işğal etilgen topraqlarında qırımtatarlarğa qarşı sürekli siyasiy taqipler" aqqında beyannamesini desteklegen. Olarnıñ arasında Estoniya, Letoniya, Almaniya, Daniya, Azerbaycan ve Poloniya. Bu sentâbrniñ 21-nde qanunsız mahküm etilecek Nariman Celâl ve eki doğmuş qardaşlar Aziz ve Asan Ahtemovlarnıñ qanunsız ükmüne bağışlanğan vesiqadır.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
