Martnıñ 6-sında New Yorkta BMT Telükesizlik Şurasında Qırımda insan aqlarınıñ bozuluvı ve yarımadanıñ işğladen boşatuluvı yolları muzakere etilecek.
Bunı Qırım uquq qoruyıcı gruppası öz saifesinde haber ete.
Oturış Kyiv vaqtınen saat 17:00 başlanacaq. Qırım.Aqiqat canlı yayınnı yapacaq.
Qayd etilgeni kibi, tedbirni Belgiya, Estoniya, Frenkistan, Almaniya, Büyük Britaniya ve AQŞ-nıñ BMT yanında Daimiy vekillikleri tarafından Ukrainanıñ BMT yanında Daimiy vekillikleri ile birlikte teşkil olundı.
Tedbirde Ukraina Prezidentiniñ Qırımdaki Daimiy vekilli Anton Korineviç; qırımtatar halqı Meclisiniñ reisi Refat Çubarov; Qırım insan aqları gruppasınıñ lideri Olga Skripnik; Estoniya tış işler naziriniñ müavini Pol Tisalu; İlze Brands Kehris, Kristof Heusgen; Frenkistannıñ BMT-deki daimiy vekiliniñ müavini Anne Geguen.
Yanvarniñ 24-ünde Rusiye esirliginden azat etilgen qırımlı ukrain rejissör Oleg Sentsov BMT-niñ New Yorktaki baş merkezinde Rusiyede apis etilgen Ukraina vatandaşlarınıñ meselesine bağışlanğan tögerek masada iştirak etti.
